小魚

我感覺這篇詩真趣味，會予我直直想--著一个這馬的候選人，嘛感覺〈宮廷政治〉實在是毋管啥物時代攏會存在的物件。

無論啥物時陣，宮廷內底飼的寵物攏生甲按呢，毋過用人的外表坐佇權利的頂端，佇詩人的目睭看--來，in著若像肥豬佮瘦雞遐爾歹看，毋過因為in有宮廷的保護，啥物攏會當免管，只要食、只要啼，著會有人甲in撐著天，甲in飼甲好好。

豬應該無目眉，詩的一開始著佮讀者講明白詩人所講的是敢若豬的人。真無簡單戒嚴才解除，民進黨嘛成立，毋過佇按呢的環境下，會當掌握國家權利的抑是只有遐的人，若像貴族、擱若像代代相傳的宮廷仝款，著算是看起來若像豬抑是雞的人，只不過因為in有「粗大的眉毛」佮「鉤狀的尖喙」，攏毋是予人看了會佮意的，嘛只有嚇驚的作用，毋過只是因為in是宮廷所飼的寵物，in竟然嘛會當坐人的位。

這馬的權貴猶是無啥物改變，只是in假鬼的功力擱變強矣，真濟人攏予騙矣，相信in是人，予騙的人應該愛看這首詩，重新記起當初的憤怒佮不滿，才會當分辨啥物是真ê，啥物是假ê。