小魚

Tsit-pái ê iánn-phìnn hōo-guá ìn-siōng siōng tshim-khik ê sī 日本 tī Tâi-uân ê gōo-tsa̍p nî.

Guá ê a-kong i-kīng peh-tsa̍p la̍k huè à, guá ê ìn-siōng lāi-bīn, a-kong kî-si̍t sī huâi-liām Ji̍t-pún thóng-tī ê sî-kan,

in-uī  tī hit-tuānn sî-kan lāi-té, i-ê sing-ua̍h sī kuè-liáu siōng-hó ê sî-tsūn.

Tsit-pái khuánn-liáu iánn-phìnn guá put-tsí koh khah-tsē ê liáu-kái tio̍h Ji̍t-pún si̍t-bîn ê sî-tsūn ê tsân-jím (tān-sī guá kám-kak he-sī tsit-khuán pit-iàu), mā koh khah-tsē ê su-khó kuan-î tsi̍t-tuānn hōo-lâng si̍t-bîn sî-kan ê būn-tê.

In-uī guá m̄-sī hit-ê sî-tsūn ê lâng, guá bē-tàng tsin-tsiànn ê liáu-kái hit-tang-tsūn ê lâng ê kám-kak, tān-sī khó-lîng sī in-uī guá ka-tī kah-ì Ji̍t-pún bûn-huà ê kuan-hē, guá it-ti̍t bē kám-kak hit-tuānn sî-kan sī tsi̍t-ê oo-àm ê sî-tāi; tān-sī tán-kàu guá nî-huè khah tuā ê sî, thiann-tio̍h tsiok-tse7 m̄-hó ê phîng-gí sī kuan-î Ji̍t-pún si̍t-bîn sî-tāi ê.

Guá it-ti̍t bē-tàng bîng-pi̍k sī-án-tsuánn ta̍k-ke lóng-bô kah-ì hit-tuānn sî-kan, in-uī tī guá-ê jīn-ti lāi-té, Ji̍t-pún tuì Tâi-uân ê si̍t-bîn pí tsiok-tse7 kok-ka ê si̍t-bîn hong-sik sī hōo gún tsin-tsē ê tsun-tiōng, khó-lîng sī guá liáu-kái ê bô-kàu !

Tān-sī tsit-pái ê iánn-phìnn hōo-guá tsai-iánn līng-guā tsi̍t-tsióng ê su-khó, he tō sī m̄-kuán gún tsit-má ê lâng án-nuá siūnn, tang-sî ê lâng kî-si̍t sī i-kīng kā si̍t-bîn kok-ka tòng-tsò sī ka-tī ê kok-ka--ah, tsit-tiám hōo-guá tsin tshim-khik ê ìn-siōng !

Tse-sī tû-liáu tsū-ngóo kài-siāu í-guā ê tē-it-pái iōng Tâi-gí siá pò-kò, hi-bāng m̄-tio̍h ê jī bē siunn-tsē.To-siā lāu-su.