Tsit kuí-ê lé-pài, khuánn-liáu tsiok tsē kah 228 iú-kuan ê iánn-phìnn, ua̍h--liáu tsiah-ní--tsē nî, tē-it-pái tsai-iánn Tâi-uân ê li̍k-sú, iōng tshinn-hueh tui-tsik khí-lâi ê li̍k-sú.
Guá-ê ba̍k-sái hiám-hiám to̍h-beh lak--lo̍h-lâi, m̄-tio̍h, ing-kai kóng, sī i-kīng lak--lo̍h-lâi--ah.
228 sī tsi̍t-ê tsiok tshân-khok ê sū-si̍t, bô-lâng ū hit-ê kuân-lī ē-tàng thè hia-ê ka-sio̍k guân-liōng KMT. Guá ū thau-thau--ah siūnn kuè, nā-sī guá-ê tshin-lâng to̍h án-ne bô-khì iah-sī tī guá-ê bīn-tsîng hōo-lâng bô lí-iû ê lia̍h-khì iah-sī thâi-sí, guá lóng-ē tsi̍t-sì-lâng bô-huat-tōo guân-liōng hia-ê lâng. Guá thiann--kuè tsi̍t-ê lāu-su kóng, nā-sī ū tsìng-tóng tshá-tsok iú-kuan 228 ê tāi-tsì, ài--gún mài tâu hōo in; guá to̍h leh siūnn, nā m̄-sī in-uī 228, in khó-lîng mā bē tshut-hiān, in sîng-li̍p ê guan-in to̍h-sī tsìng-hú ê pō-tsing, ná ē-tàng iau-kiû in mài thê-khí ka-tī ê tshoo-tsiong?
Khuánn-liáu iánn-phìnn kah thiann-liáu ián-káng liáu-āu, sóo-ū ê uē-bīn kan-na tshut-hiān tī guá-ê bīn-tsîng, guá-siūnn, he-sī tsit-khuán ê uàn-hūn, lâng lóng-kóng ài buē-kì siû-hūn tsiah ē-tàng kuè-ji̍t-tsí, tān-sī he sī bô-huat-tōo buē-kì ê, tsí-ē-tàng mài-khì--siūnn niā.
Guá kám-kak hit-tang-tsūn ū tsi̍t-ê guā-kok lāu-su kah-guá--kóng ê bô m̄-tio̍h, i-kóng, Tâi-uân tsit-má ê hun-lia̍t ū tsin-tuā tsi̍t-pòo-hūn sī in-uī 228, sī tuì 228 khai-sí--ê.
Guá siūnn, guá íng-uán bô-huat-tōo liáu-kái án-ne tuì-thāi jîn-bîn ê tsìng-hú leh siūnn-siánn, mā hi-bāng guá ka-tī íng-uán mài piàn-sîng liáu-kái koh tông-ì ê lâng.
留言列表
