小魚

1.冊名：天˙光－－二二八本土母語文學選

   作者：多位合輯

   出版社：國立臺灣文學館

2.內容介紹：〈出國這項代誌－－紀念葉豆記先生〉陳雷

Tsi̍t-ê iōng tshài-tsàng ê phang-bī kah tsáu bē kuè ê pi-siong siá-sîng ê bûn-tsiong.

Piau-tê sī kì-liām uī 湯德章先生 si̍p sin-si ê 葉豆記先生，i-ê tsu-liāu tī bāng-lōo tíng-bīn sī tshuē-bô á-sī tsiok pháinn tshuē, guá pīng-bô khuànn-tio̍h kā-i iú-kuan ê mi̍h-kiānn.

Luē-iông guá kám-kak kóng tshut--lâi to̍h kha̍h bô ka-tī khuànn tsit-phinn bûn-tsiong ê tsu-bī ah.

Tsit-ê bûn-tsiong lāi-té, lí ē-tàng phīnn--tio̍h tshài-tsàng ê phang-bī kah khuànn-tio̍h hiông-hiông tsi-kan siau-sit ê sènn-miā, ná-tshin-tshiūnn siōng-tè biō, tī pinn-á khuànn, tiām-tiām bē tsuè-siann, mā bô-huat-tōo tsuè-siann.

3.心得：

Guá kám-kak tse-sī tsi̍t-ê tsiok pháinn kóng-tshing-tshó ê kòo-sū.

Hia ū tsit-khuán bô-huat-tōo siau-tû ê pi-siong tī muí tsi̍t hâng jī, muí tsi̍t-kū uē lāi-té.

Sui-jiân tsok-tsiá kóng sī leh kì-liām kì-liām 葉豆記先生，m̄-ko kî-si̍t kui-phinn bûn-tsiong lóng leh siá siōng-tè biō tsîng bē tshài-tsàng ê kam-khóo peh, tàu-té sī leh siá 葉豆記先生，á-sī leh siá līng-guā tsi̍t-ê bû-koo siau-sit ê sènn-miā leh?

Tī hit-ê 228 ê sî-tāi, tshin-tshiūnn kam-khóo peh án-ne ê lâng koh-ū luā-tsē? Gún m̄ tsai-iánn, m̄-koh uì kam-khóo peh ê kòo-sū khuànn--khí-lâi, gún siōng-tsió ē-tàng tsai-iánn hit-tang-tsūn ê tsìng-hú ū luā tsân-jím, kan-tann jîn-bîn ê sènn-miā lóng bô tiōng-iàu.

Kî-si̍t, í-tsîng ê guá, m̄-sī tsin-tsiànn tsiok tsai-iánn 228 tàu-té sī án-tsuánn ê tsi̍t-ê ji̍t-tsí, m̄-ko, tsū-tsiông guá tha̍k kàu tāi-ha̍k liáu-āu, ū kìng-ka tsē ê si̍k-sāi, guá kám-kak 228 sī tsit-khuán tsiok thiànn ê siong-hûn, tī tsin-tsē lâng ê sim-tiong bô-huat-tōo siau-tû.

Guá kám-kak, nā-sī guá sī 阿珠，guá tsin-tsiànn bô-huat-tōo guân-liōng tsit-ê tsìng-hú, bô-huat-tōo guân-liōng siong-hāi guá-ê ka-jîn ê lâng. Ū-lâng kóng, ài buē-kì í-tsîng ê tāi-tsì, tsiah ē-tàng hó-hó ê ua̍h--lo̍h-khì, m̄-ko, guá kám-kak, nā-sī tshiūnn guá án-ne bô tshin-sin king-li̍k tio̍h ê lâng lóng iáu bô-huat-tōo guân-liōng, sin-uî siū-hāi-tsiá ê in, ná-ū pān-huat ē-tàng kóng buē-kì tō buē-kì? Kóng tsit-khuán uē ê lâng, si̍t-tsāi tsiok bô hù-tsik-jīm.

228 sī tsi̍t-ê tshám-pe̍h ê kì-tî, nā beh guá kóng, si̍t-tsāi sī bô-huat-tōo guân-liōng ê tāi-tsì, m̄-koh, Tâi-uân-lâng ná-tshin-tshiūnn lóng buē-kì liáu-liáu, koh kè-siok hōo hiong-tshiú lâi la̍k-khuân, koh kè-siok huat-sing luī-sū ê tāi-tsì( ná-tshiūnn ho̍k-bōo ê tāi-tsì ), sui-jiân bô tshiūnn 228 án-ne tsân-jím, ( ū-lâng koh-khah hàm, kíng-jiân kóng in ū tsìn-pōo), m̄-koh mā ē-tàng tsìng-bîng in ê tsân-pō iah-sī lóng-tsóng tī-leh.

Guá ū-sî-tsūn ē kám-kak, Tâi-uân jîn-bîn kàu tsit-má iah bô-huat-tōo ū tsi̍t-ê kok-ka ê jīm-tông, ū tsin-tuā ê guan-in sī in-uī in; nā-sī in bô lâi, Tâi-uân-lâng khó-lîng bē ū tsiah-nī tsē hun-lia̍t, in bô lâi, Tâi-uân-lâng kî-si̍t ū tsi̍t-lia̍p ài ka-tī ê kok-ka ê sim, mā kám-kak ka-tī sī tsi̍t-ê kok-ka, m̄-koh, tsia-ê hiat-sìng, lóng-tsóng hōo tsi̍t-ē tsi̍t-ē ê tshìng-siann, hōo tshìng-sat ah.

Guá kám-kak tsiok m̄-kam, mā m̄ kam-guān, uī-siánn-mi̍h sī in tī-leh thóng-tī lán-ê kok-ka? Uī-siánn-mi̍h sī thâi-lâng ê hiong-tshiú leh thóng-tī gún? Koh-beh kā-gún kau khì līng-guā tsi̍t-ê bô-kóng-lí ê hiong-tshiú tshiú-thâu? Guá bô-huat-tōo liáu-kái, mā bô-huat-tōo tsiap-siū.

In ê hueh-jiah, tō án-ne ta tī bô-lâng khuànn-tio̍h ê sóo-tsāi, hōo-lâng buē-kì. 

4.寫報告ê時所參考ê資料：

http://taigi.fhl.net/Tanlui/Tanlui11.html

http://zh.wikipedia.org/wiki/%E6%B9%AF%E5%BE%B7%E7%AB%A0